- Rus
- Ukr
Vǫló Spá
Источник: Frederich David Grater, Volospa hoc est Volae seu Sibyllae Arctoae vaticinium.
1 Hlioðs bið ес allar
[helgar] kindir
meiri oc minni
maugo heimdalar
vildo it ес valfauþr
vel fyr telia
fornspioll fira
þаu ec fremst umman.
2 Ec man iotna
ár um borna
þa er forðom
fǫdda hofðo '
nio man ec heima
nio iviþi
miot við mǫran
fyr mold neðan.
3 Ar var allda
þаr er Ymir bigði
vаrа Sandr ne Sęr
ne Sualar unnir
iorð fannz ęva
ne upphimin
gap var ginnunga
enn gras hvergi.
4 Adr burssynir
bioðom um ypðo
þeir er miðgarð
mǫran scopo
Sol scein funnan
a Salar Steina
þа var grund groin
grǫnom lauki.
5 Sol varp Sunnan
sinni mana
hendi inni hǫgri
um himin ioðyr
Sol þat ne vissi
hvar hon Sali atti
Stiornor that ne visso
hvar þer flaði atto
máni þat ne vissi
hvat hann megins atti.
6 Þa gengo regin
oll a raukstola
ginnheilog goð
ос um þat gettuz
nott oc niþiom
naufn um gafo
morgin heto
oc miðian dag
undorn oc aptan
arom at telia.
7 Hittoz AEsir
a iðavelli
þeir er haurg oc hof
hatimbroðo
afla laugðo
auð Smiðoþo
tangir scopo
oc tol gordo.
8 Tefldo i tuni
teitir vóro
var þeim vettergis
vant or gulli
unnz þriar qvomo
þursа meyiar
amatkar mioс
or iotunheimom.
9 Þa gengo regin
aull a raukstola
ginnheilog goð
oc um þat gettuz
hverr scyldi dverga
drotin scepia
or brimis bloði
oc or blám leggiom.
10 Þar Molіognir
mǫztr um оrðin
dverga allra
enn Durin annar
þeir manlicon
morg um gorðo
dvergar or iorðo
sem Durinn sagdi.
11 Nyi ос Niþi
Nordri oc Suðri
Austri oc Vestri
Alþiofr Dvalinn
Bivaurr Bavaurr
Baumburr Nori
Anoe Anarr
Ai Mioðvitnir.
12 Veigr oc Gandalfr
Vindolfr þrainn
Þессr ос þorinn
Þrоr Vitr oc Litr
Nar oc Nyraþr
nu hefi еc Dverga
Reginn ос Raðsviðr
rett um talþa.
13 Fili Kili
Fundinn Náli
Hepti Vili
Hanarr Sviorr
Frar Hornbori
Fręgr oc Loni
Aurvangr Jari
Eikinnscialdi.
14 Mal er drerga
i Dvalins liði
lionakindom
til lofars telia
þeir er sotto
fra Salarstæini
Aurvanga Siant
til iorovalla.
15 Par var Draupnir
oc Dolgþrasir
Hár Haugspori
HIęvangr Gloi
Scirvir Virvir
Scafiþr Ai.
16 Alfr oc Yngvi
Eikinscialdi
Fialarr oc Frostþi
Finnr oc Ginarr
þat mun upi
meþan auld lifir
langniþia tal
lofars hafat.
17 Unz þriar qvomo
or þvi liþi
auflgir ос astgir
AEsir at husi
fundo a landi
litt megandi
аsс oc emblo
orlauglausa.
18 Aund þau ne atto
óþ þau ne haufðo
la nę lęti
ne lito goða
aund gaf Oþinn
оþ gaf Hǫnir
la gaf Loðurr
oc lito goða.
19 Asc veit ec standa
heitir Yggdrasill
hárbaðmr ausinn
hvita auri
þaðan coma dauggvar
þęrs i dala falla
stendr ę yfir grǫnn
urðar brunni.
20 Þaðan coma meyiar
margs vitandi
þriár оr þeim Sę
er und polli stendr
Urd heto eina
aðra Verþandi
scaro a sciði
Sculd ena þriðio.
21 Þęr laug laugðo
þęr lif Kuro
alda bornom
orlaug seggia
þat man hon folc vig
fyrst i heimi
er gullveig
geirom studdo
oc i haull Hárs
hana brendo.
22 Þrysvar brendo
þrysvar borna
opt osialdan
þо honn en lifir
Heidi bana heto
hvars til husa com
vǫlo vel spá
vitti hon ganda
seið hon kunni
seið hon leikinn
ę var hon angan
illrar bruðar.
23 Þa gengo Regin
aull a raukstola
ginnheilog goð
ос um þat gettuz
hvart scyldo AEsir
afrað gialda
еþr scyldo goðin
aull gildi eiga.
24 Fleygði Oðinn
oc i folk um scaut
þat vаr enn folcvig
fyrst i hęimi
brotinn var borðvegr
borgar Asa
Knatto vanir vigspa
vollo sporna.
25 Þa gengo Regin
aull a raukstola
ginnheilog goð
oc um þat gettuz
hverir hefði lopt allt
lęvi blandit
eþr ętt iotons
oþs mey gefna.
26 Þorr einn þar vаr
þrungin moði
hann sialdan sitr
er hann flict um fregn
agengoz ęiðar
orð ос sęri
mál aull meginlig
er a meðal foro.
27 Veit hon Heimdalar
hlioð um folgit
undir heidvonom
helgom baðmi
á sér hon ausaz
aurgom forsi
af veði Valfauðrs
vitoþ er en еþr hvat.
28 Ein sat hon úti
þа er inn aldni com
yggiongr Asa
oc i augo leit
hvers fregnit mic
hvi freistiþ min
alt veit ес Oþinn
hvar þu auga falt
i enom męra
Mimis brunni.
29 Dreccr miod Mimir
morgin hverian
af veði Valfauþrs
vitoþ er en еþr hvat.
30 Valþi henne Herfauðr
hringa ос men
fe spioll spaklig
oc Spá ganda
sа hon vitt ос um ritt
of verold hveria.
31 Sa hon valkyrior
vitt um komnar
gaurvar at riða
til goðþioðar.
32 Skuld helt Scildi
enn Scaugul aunnor
Gunnr Hildr Gaundul
oc Geirscaugul
nu ero talþar
naunnor herians
gorvar at riþa
grund valkyrior
33 Ec sa Baldri
bloðgom tivor
oðins barni
orlog folginn
stoð um vaxinn
vollo hęri
mior oc miog fagr
mistilteinn.
34 Varð af þeim meiði
er mer syndiz
harmflaug bęttlig
Наuþr nam sciota
Baldrs broþir var
of borinn snęmma
sа nam Oþins sоnr
einnęttr vega.
35 Þo hann ęva hendi
ne haufut kembþi
aþr a bal um bar
Baldrs andscota
en Frigg um gret
i fensaulom
va valhallar
vitoþ er en eþr hvat.
36 Hapt sa hon liggia
undir hvera lundi
lę giarn lici
Loca aþeckian
þar sitr Sigyn
þeygi um sinom
ver velglyioð
vitoþ er en eþr hvat.
37 A .fellr austan
um eirdala
saurom ос sverþom
Sliþr heitir su
stoð fyr norðan
a niða vollom
salr or gulli
sindra ęttar.
38 Enn annarr stoð
a okolni
biorsalr Jotuns
en sa Brimir heitir
39 Sal sa hon standa
solo fiárri
nastrondo a
norþr horfa dyrr
fello eitrdropar
inn um lióra
sa er undinn falr
orma hryggiom.
40 Sa hon þаr vaþa
þunga strauma
menn meins vara
oc morðvarga
oc þann annars glepr
eyra rúno
þar sug niþhauggr
nai framgengna
slęit vargr vera
vitoþ er en еþr hvat.
41 Austr tat in aldna
i iarnviþi
oc fǫddi þar
Fenris Kindir
verþr af þeim aullom
einna noccorr
tungls tiugari
i trollz hami.
42 Fylliz fiorvi
feigra manna
ryþr ragna siot
rauþom dreyra
fvart var þa solscin
of sumor eptir
veþr oll valynd
vitoþ er en еþr hvat.
43 Sat þar a haugi
ос sló haurpo
gygiar Hiþir
gladr eggþęr
gol um hanom
i gagl viþi
fagr rauðr hani
sa er Fialárr heitir.
44 Gol um Asom
gullincambi
sa vecr haulþa at hiarar
at heriafauþrs
enn annarr gelr
fyr iorð neþan
sotrauþr hani
at saulom heliar.
45 Geyr garmr mioc fyr
gnipa helli
festr mun slitna
enn freki renna
fiolþ veit hon frǫða
fram se ec lengra
um ragna rauk
raum sigtyva.
46 Broþr muno beriaz
ос at baunom verþa
muno systrungar
sifiom spilla
hart er i heimi
hordomr micill
sceggauld scalmauld
scildir ro klofnir
vindauld vargauld
eþr verold steypiz
mun engi maþr
oþrom þyrma.
47 Leica Mims synir
enn miotuðr kynðiz
at en galla
giallar horni
hatt blęss Heimdallr
horn er a lopti
męlir Oðinn
við Mims haufut
ymir iþ aldna tre
enn iotunn losnar
sceilfr Yggdrasils
ascr standándi.
48 Geyr nu garmr fyr
gnipa helli
festr mun slitna
enn freki renna.
49 Hrymr ekr austan
hefiz lind fyr
snyz iormungandr
i iotunmoði
ormr Knyr unnir
enn ari hlaccar
slitr nai nef faulr
naglfar losnar.
50 Kioll ferr austan
Koma muno muspellz
um laug lyðir
enn Loki styrir
fara fifls megir
með freka аllir
þeim erbroðir
Byleipz ifór.
51 Hvat er með Asom
hrat er með Alfom
gnyr allr iotunhęimr
AEsir ro a þingi
stynia dvergar
fyr steindurom
veggbergs visir
vitoþ er en eþr hvat.
52 Surtr ferr sunnan
með sviga lęfi
scinn af sverði
sol valtifa
griotbiorg gnata
enn gifr rata
troþa halir helveg
en himin clofnar.
53 Þa cǫmr hlinar
harmr annarr fram
er Oðinn ferr
vid ulf vega
en bani belia
biartr at Surti
þа mun friggiar
falla angantyr.
54 Þa kǫmr inn micli
maugor Sigfauðor
viðarr vega
at valdyri
lętr hann megi hvedrungs
mund um standa
hior til hiarta
þа er hefnt fauðor.
55 Þa komr inn mǫri
maugr hlodyniar '
gengr Oþins sonr
viþ ulf vega
drepr hann af moþi
miðgarz vęor
muno halir allir
heimstóð ryþia
gengr fet nio
fiorgyniar burr
neppr fra naðri
niðs oqviðnom.
56 Sol fer sortna
sigr fold i mar
hverfa af himni
heiðar stiornor
geisar eimi
viþ alðrnara
leicr har hiti
við himin sialfan.
57 Geyr nu garmr fyr
gnipa helli
festr mun slitna
enn freki renna.
58 Ser hon uppkoma
auðro sinni
iorð or ęgi
iþia grǫna
falla forsar
flygr aurn yfir
sa er a fialli
fisca veiðir.
59 Finnaz ęsir
a iþavelli
oc um moldþinur
matkann dǫma
oc a fimbultys
fornar rúnar.
60 Þar muno eptir
undr samligar
gullnar tauflor
i grasi finnaz
þers i ardaga
attar hofðo.
61 Muno osanir
acrar vaxa
bauls mun allz batna
Baldr mun coma
bua þeir Hauþr oc Baldr
hroptz sigtoptir
vel valtivar
vitoþ er en еþr hrat.
62 Þa kna Hǫnir
hlaut viþ kiosa
oc byggia burir
brǫðra tveggia
vindheim viðan
vitoþ er en e|pr huat[1].
63 Sal ser hon standa
solo fegra
gulli þаcþаn
a gimlé
þar scolo dyggvar
drottir byggia
oc um aldr daga
yndis niota.
64 Þar kǫmr inn dimni
dreki fliugandi
паþr frann nеþаn
niþа fiollom
berr ser i fioþrom
flygr vaull yfir
niþhauggr nai
nu mun hon seycqvaz.
Skýringar:
[1] Очевидно, что сдесь закралась ошибка и должно быть “eþr hvat”, но оставляем так, как есть в самом издании - Илько Билэнко-Шумахэр..